‘U pòrce

di Bifolchi Luigi

De Ze Luige Bifolche


 

Quanne ze pènze che l’émè tené ‘n’anne
e cuvernàrle che tàntè passiòne
è pò? Niènte! ‘Na curtellàte ‘ngànne
fenisce ‘a ‘mòre ‘ncòpp’u prevelòne.

L’acche sta già vullènne, è ‘a parentèle
effacènnàte ettizzene ‘a chèllàre;
Giuànne è iùte ebbàlle c’a chènnéle
e tòglie ‘ò vine ‘nzémbre c’u cumpàre.

“Buongiòrne è Sante Mertine”. “Bommenùte”.
E ‘rruàte Ze’Ndréie c’u scannètùre.
Vedènne e isse cumme ch’è trèsciùte
me pare ‘nu chiènchére èdderettùre.

Tutte sò prònte ebbàlle, è c’a mèntère
‘nnanze ‘zè ‘Ndréie ècche z’èvvecine;
ièsce ‘u pòrce d’a stalle (pòverè fère),
chi ‘u zòmpe ‘ncòglie, chi ne mène ‘u ‘ncine,

è culecàte ‘ncòpp’u prevelòne ‘
u pòrce egliùcche fòrte è strepecéie.
“Tenéte fòrte! “. “Ebbàsse ‘ssu ‘lleccòne! “.
 “Mèglie e mèglie evànne che vè!” dice Zè ‘Ndréie.

Pò ficchie ‘u scannètùre, è ‘nu chènnéglie
de sanghe è già ‘nghiùte ‘u cavedàre;
‘u pòrce ègliùcche èncòre bonèréglie,
‘a tène ‘a fòrze ‘u pòrce d’u cumpàre!
 

E pò àcchè vullènte c’u secchiètte,
chi ‘a mène, chi ràtte, chi chèréie...
“Chèlàte èbbàlle pure ‘na pèlètte
p’a pessà ‘mbàcce ‘u musse de Zè ‘Ndréie!”.

Finché ‘u pòrce è già tutte pulite.
Càccene i nérve, ficchiene ‘u vènnàre,
‘u ‘ttàcchene c’a zòche, è chi ‘a ‘bberrite
èttùrne a ‘lu centròne d’u cumpàre.

Mò, c’u curtéglie tàgliene ‘ò pettrine.
ne càccene” ò vedèlle, ‘u canneròne,
Zè ‘Ndréie ‘n’è rechèpàte ‘u mugnèrine,
mò ne recàpe ‘u fèle è ‘u vedellòne.

“E ‘a lùtemè pèròle ell’astètère.
Vedéme chi de vù cchiò z’èvvecine:
quante pése ‘nu pòrce de sta mènère?”.
“Mitte ‘u marche: sò trèntètré decine”.

Ecchece è tàvele. “Tòglie ‘nu curtéglie”.
“Sféll’ò pane è cacce ‘ò vine bbòne”.
“Pòrtece ‘na ‘nzèlàte ciocèréglie”.
“Fa ‘na fressòre de ciqueglie è pelmòne”.
Me pàrene i ‘rrèiàte, mamme mie,
pare che ‘nne màgnene dè tré mise,
ze magnèrrine ‘a gliànne p’allegrie;
sò pòrce lòre ò quiglie che sta ‘ppise?

E tùzzene “ ‘A sèlùte!” c’u becchére.
‘Nn’èrrive e ‘nghi ‘u pòvere Giuànne.
“Oh, iàtece cchiò chiàne, pe piècére,
è penzàte che m’ede ‘bbastà ‘n’anne!”.